facebook

วันจันทร์ที่ 29 กรกฎาคม พ.ศ. 2556

กระเจี๊ยบกรอบ



ฝักอ่อนของกระเจี๊ยบหลายๆคน จะเอามาลวกกินกับน้ำพริก เน๊าะจ้า แต่กะลวกแล้วเหมือกเหนียวๆกะัยังมีอยู่ เฮ็ดให้บ่น่ากิน บางคนกะบ่มักกินไปเลย นู๋น้อยกะหนึ่งในคนที่บ่มักกินกระเจี๊ยบอ่อนเพราะยางเหนียวๆนี้ละ ฝืนกินหลายเทื่อละ บ่ประสบผลสำเร็จ ฮ้าๆๆ

มีไผ๋ฮู้บ่ว่า ผลหรือฝักกระเจี๊ยบ 1 ผล/ฝัก มีคุณค่าทางอาหารหลายปานได๋ ??บ่ฮู้แม่นบ่ นั่งลงซั่นเดียวนู๋น้อยสะเว้าสู่ฟัง จ้า

คุณค่าทางอาหารกะคือ มีสารฟอสฟอรัส แคลเซียม ซึ่งดีต่อกะดูก แล้วกะยังมีธาตุเหล็ก บำรุงเลือด วิตามินซี เฮ็ดให้ภูมิต้านทานคนสูง สะได้บ่เป็นหวัดง่ายๆ

ประโยชน์ ยังมีอีกจ้า เป็นยาระบาย ส่อยขับพยาธิตัวจิ้ด รักษาความดันเลือด บำรุงสมอง และยางเหนียวๆเจ้าปัญหากะยังส่อยเคลือบแผลในกระเพาะอาหาร อีกละ

ประโยชน์หลายแบบนี้ละจ้า เป็นเหตุผลที่นู๋น้อยพยายามกิน แต่บ่สำเร็จจักเทื่อ แต่มีมื้อหนึ่ง นั่งอ่านหนังสือหรือตำราอาหาร อยู่บ้านไปอ่านพ้อวิธีแก้ยางเหนียวๆของกระเจี๊ยบนี้ละ เห็นว่าใช้ได้ผล กะเลยเอามาบอกต่อ จ้า

1 ล้างกระเจี๊ยบให้สะอาด แล้วหั่นตามขวาง แลวแชทิ้งไว้ในน้ำปูนใส แล้วจั่งเอามาลวก แล้วจั่งเอาไปปรุงเป็นอย่างอื่นได้อีก หรืออั่นนี้ยากไปเพราะบ่มีปูนขาว หรือ โซเดียมไบคา์บอนเนต เพราะบ่ได้เคี้ยวหมาก ฮ้าๆๆ เอาอีกสูตรกะได้

2 ลวกก่อนเอาไปปรุง แนวอื่นอย่างเช่นอาหารจานผัดบางคนมักกินผัดๆทอดๆ หรือคนมักซดน้ำแกง กะเอาไปแกงเลียงรวมกับผักอื่นๆ หรือแกงส้มกะเข้าท่า คือกัน ละ หรืออีกวิธี

3 ได๋ๆกะลวกให้แล้ว เอาแป้งโกกิมาเทลงฉามอ่างน้อยๆใส่น้ำเย็นลงไป คนจนแป้งละลายเข้ากับกับน้ำ แล้วกะตั้งกะทะใส่น้ำมันปาร์มลงไปเคิ่งกะทะ (น้ำมันปาร์ม สำหรับงานทอดเพราะจะเฮ้ดให้กรอบและเหลืองสวยงามน่ากิน แต่น้ำมันถั่วเหลืองสำหรับงานผัด เพราะไขมันน้อย แต่้ำมันมะกอกอย่าใช่เด้อ จ้า มันแพง) พอน้ำมันเดือน กะเอากระเจี๊ยบที่ลวกแล้ว มาทาแป้งก่อน แล้วกะโยงน้องกระเจี๊ยบลงอาบน้ำ พอกรอบเหลือง กะตักขึ้นพักไว้ เสร็จแล้ว จะเอาไปจัดใส่จานจิ้มกับน้ำพริกหรือกินกับป่นปลาทูกะแซบ มิิใช่น้อยพะนะ หรือ จัดใส่จานรวมกับผักอื่นๆ ปรุงน้ำยำรสแซบ เอาลงคลุกๆใส่กัน ตักเข้าปากซิมเบิ่งแซบ กะโอเคแล้วจ้า หรือ จะกินแบบชีวจิตก็ได้ ด้วยการนำไปทำสลัดนั้นเอง ตบท้ายด้วย นี้เลย ควรดื่มน้ำตามเยอะๆ ผิวจะได้สวย พะนะ อั่นๆๆ ข้อ 3 นี้ คึดเองเด้อจ้า ทดลองมาแล้วผ่าน กินเบิ้ดจานเลยบาดนี้


บ่หวงสูตรเด้อ้า เอาไปเฮ็ดล้อเด็กน้อยได้เลย แจ่มๆๆๆ

ไม่มีความคิดเห็น:

แสดงความคิดเห็น